ಬಿಗ್‌ಬಾಸ್ ಸೀಸನ್ 8: ರಿಯಾಲಿಟಿ ಶೋ ಆರಂಭ ದಿನಾಂಕ ಘೋಷಿಸಿದ ಕಿಚ್ಚ ಸುದೀಪ್!

Feb 16, 2021

ಬೆಂಗಳೂರು(ಫೆ.15): ಬಿಗ್‌ಬಾಸ್ 8ನೇ ಆವೃತ್ತಿ ರಿಯಾಲಿಟಿ ಶೋ ಆರಂಭಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಜ್ಯೋತಿಷಿ ಗೆಟಪ್‌ನಲ್ಲಿ ಕಾಣಿಸಿಕೊಂಡ ನಟ, ಬಿಗ್‌ಬಾಸ್ ನಿರೂಪಕ ಕಿಚ್ಚ ಸುದೀಪ್, ಶೋ ಆರಂಭದ ಶುಭ ಘಳಿಗೆಯನ್ನು ಹೇಳಿದ್ದಾರೆ. ಇದೇ ಫೆಬ್ರವರಿ 28ರಂದು ಸಂಜೆ 6 ಗಂಟೆಗೆ ಬಿಗ್‌ಬಾಸ್ ಸೀಸನ್ 8 ಆರಂಭಗೊಳ್ಳಲಿದೆ.
ಭುದ, ಶುಕ್ರ, ಗುರು ಹಾಗೂ ಶನಿ ಒಂದೇ ಕೋಣೆಯಲ್ಲಿದೆ. ಉತ್ತಮ ಕಾಲ ಕೂಡಿಬಂದಿದ್ದು ಶುಭ ಮುಹೂರ್ತದಲ್ಲಿ ಬಿಗ್‌ಬಾಸ್ ಸೂಸೂತ್ರವಾಗಿ ಆರಂಭವಾಗಲಿದೆ ಎಂದು ಕಿಚ್ಚ ಸುದೀಪ್ ಹೇಳಿದ್ದಾರೆ. ಸುದೀಪ್ ಜ್ಯೋತಿಷಿ ಗೆಟಪ್‌ನಲ್ಲಿ ಕಾಣಿಸಿಕೊಂಡು ಬಿಗ್ ಬಾಸ್ ದಿನಾಂಕ ಘೋಷಿಸಿದ ಪ್ರೋಮೊವನ್ನು ಕಲರ್ಸ್ ಕನ್ನಡ ವಾಹಿನಿ ರಿಲೀಸ್ ಮಾಡಿದೆ.
 

100 ದಿನಗಳ ಕಾಲ ನಡೆಯಲಿರುವ ಈ ಬಾರಿಯ ಬಿಗ್‌ಬಾಸ್ ಸ್ಪರ್ಧೆಯಲ್ಲಿ ಸ್ಪರ್ಧಿಗಳು ಯಾರು, ಯಾರು ಫೈನಲ್ ಪ್ರವೇಶಿಸುತ್ತಾರೆ. ಕೊರೋನಾ ಬಳಿಕ ಆರಂಭವಾಗುತ್ತಿರುವ ಮೊದಲ ಬಿಗ್‌ಬಾಸ್ ಶೋ ಇದಾಗಿದ್ದು, ಸ್ಪರ್ಧೆಯ ಸ್ವರೂಪ ಹೇಗಿರಲಿದೆ ಅನ್ನೋ ಕುತೂಹಲ ಇದೀಗ ಇಮ್ಮಡಿಯಾಗಿದೆ.
Source:Suvarna News