ಬೆಂಗಳೂರು: ಭಾನುವಾರ ಬೆಂಗಳೂರು (Bengaluru) ನಗರದಲ್ಲಿ ಮಳೆಯಾಗಿದ್ದು, ಬಿಸಿಲಿನಿಂದ ಕಂಗೆಟ್ಟ ಜನತೆಗೆ ಮಳೆರಾಯ (Rain) ತಂಪೆರಿದಿದ್ದಾನೆ. ಸೋಮವಾರ ಸಹ ನಗರದಲ್ಲಿ ಮಳೆ ಮುಂದುವರೆಯುವ ಸಾಧ್ಯತೆಯಿದೆ ಎಂದು ಹವಾಮಾನ ಇಲಾಖೆ (Weather Bureau) ತಿಳಿಸಿದೆ.

ನಗರದಲ್ಲಿ ಮೋಡ ಕವಿದ ವಾತಾವರಣವಿರಲಿದ್ದು, ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಜೂ.26 ರಿಂದ 29ರವರೆಗೆ ಗುಡುಗು ಮಿಂಚು ಸಹಿತ ಮಳೆಯಾಗುವ ಸಾಧ್ಯತೆಯಿದೆ. ಅಲ್ಲದೇ ಬಲವಾದ ಗಾಳಿ ಬೀಸುವ ಸಾಧ್ಯತೆ ಇದ್ದು ಸಾರ್ವಜನಿಕರು ಎಚ್ಚರಿಕೆವಹಿಸುವಂತೆ ಇಲಾಖೆ ತಿಳಿಸಿದೆ.

ನಗರದಲ್ಲಿ ಇಂದು ಗರಿಷ್ಠ 27 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ಇರಲಿದ್ದು, ಕನಿಷ್ಠ 21 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ಇರಲಿದೆ.

ಬೆಂಗಳೂರಿನ ಎಲ್ಲೆಲ್ಲಿ ಎಷ್ಟು ಮಳೆ?
ಪೀಣ್ಯ ಕೈಗಾರಿಕಾ ಪ್ರದೇಶ – 29.50 ಮಿ.ಮೀ
ಬಾಗಲಗುಂಟೆ – 28.50 ಮಿ.ಮೀ
ಶೆಟ್ಟಿಹಳ್ಳಿ – 27.50 ಮಿ.ಮೀ
ದೊಡ್ಡಬಿದರೆ ಕಲ್ಲು – 25.50 ಮಿ.ಮೀ
ನಂದಿನಿ ಲೇಔಟ್ ಮತ್ತು ನಾಗಪುರ – 21 ಮಿ.ಮೀ
ಕೊಟ್ಟಿಗೆಪಾಳ್ಯ – 20.50 ಮಿ.ಮೀ
ಹೆಗ್ಗನಹಳ್ಳಿ, ರಾಜಮಹಲ್ ಗುಟ್ಟಹಳ್ಳಿ – 18 ಮಿ.ಮೀ
ಹೊರಮಾವು – 13.50 ಮಿ.ಮೀ
ಹೆರೋಹಳ್ಳಿ – 13.50 ಮಿ.ಮೀ
ದಯಾನಂದನಗರ, ರಾಜಾಜಿನಗರ – 13 ಮಿ. ಮೀ
ಮಾರಪ್ಪಪಾಳ್ಯ, ವಿದ್ಯಾರಣ್ಯಪುರ – 11.50 ಮಿ.ಮೀ
ಜಕ್ಕೂರು, ಯಲಹಂಕ – 10.50 ಮಿ.ಮೀ
ಕೊಡಿಗೇಹಳ್ಳಿ, ಬಾಣಸವಾಡಿ – 10 ಮಿ.ಮೀ

Source: PUBLIC TV Kannada