ಬೇಕಾಗುವ ಪದಾರ್ಥಗಳು:
ಕಡಲೆ ಹಿಟ್ಟು – ಅರ್ಧ ಕಪ್
ಗೋಧಿ ಹಿಟ್ಟು – ಕಾಲು ಕಪ್
ಅರಿಶಿನ ಪುಡಿ – ಕಾಲು ಟೀಸ್ಪೂನ್
ಕೆಂಪು ಮೆಣಸಿನ ಪುಡಿ – ಅರ್ಧ ಟೀಸ್ಪೂನ್
ಹಿಂಗ್ – ಕಾಲು ಟೀಸ್ಪೂನ್
ಎಣ್ಣೆ – ಮುಕ್ಕಾಲು ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಮಾಡುವ ವಿಧಾನ:
* ಮೊದಲಿಗೆ ಒಂದು ಬಟ್ಟಲಿನಲ್ಲಿ ಕಡಲೆ ಹಿಟ್ಟು, ಗೋಧಿ ಹಿಟ್ಟು, ಅರಿಶಿನ ಪುಡಿ, ಕೆಂಪು ಮೆಣಸಿನ ಪುಡಿ, ಹಿಂಗ್ ಹಾಗೂ ಉಪ್ಪು ಸೇರಿಸಿ ಮಿಕ್ಸ್ ಮಾಡಿ.
* ಎಣ್ಣೆಯನ್ನು ಸ್ವಲ್ಪ ಬೆಚ್ಚಗಾಗಿಸಿ, ಹಿಟ್ಟಿನ ಮಿಶ್ರಣಕ್ಕೆ ಸುರಿಯಿರಿ.
* ಹಿಟ್ಟಿಗೆ ಅಗತ್ಯವಿರುವಂತೆ ನೀರು ಬೆರೆಸುತ್ತಾ ಮೃದುವಾದ ಹಿಟ್ಟಿನ ಹದಕ್ಕೆ ತನ್ನಿ.
* ಈಗ ಚಕ್ಕುಲಿ ಮೇಕರ್‌ನಲ್ಲಿ ರಿಬ್ಬನ್ ಸೇವ್ ತಯಾರಿಸೋ ಅಚ್ಚನ್ನು ಬಳಸಿ ಹಿಟ್ಟನ್ನು ಒತ್ತಿಕೊಳ್ಳಿ. ನಿಮ್ಮ ಬಳಿ ಚಕ್ಕುಲಿ ಮೇಕರ್ ಇಲ್ಲವೆಂದರೆ ಹಿಟ್ಟನ್ನು ತೆಳ್ಳಗೆ ಲಟ್ಟಿಸಿಕೊಂಡು, ಚಾಕುವಿನ ಸಹಾಯದಿಂದ ರಿಬ್ಬನ್ ಆಕಾರದಲ್ಲಿ ಕತ್ತರಿಸಿಕೊಳ್ಳಬಹುದು.
* ಸೇವ್ ರಿಬ್ಬನ್ ಅನ್ನು ನೇರವಾಗಿ ಕಾದ ಎಣ್ಣೆಯಲ್ಲಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಡೀಪ್ ಫ್ರೈ ಮಾಡಿ. ನೀವು ಎಣ್ಣೆಯಲ್ಲಿ ಕರಿಯಲು ಇಷ್ಟಪಡುವುದಿಲ್ಲವೆಂದಾದರೆ ಮೊದಲೇ ಕಾಯಿಸಿಟ್ಟ ಓವನ್‌ನಲ್ಲಿ 180 ಡಿಗ್ರಿ ಸೆಲ್ಸಿಯಸ್‌ನಲ್ಲಿ ಸುಮಾರು 10 ನಿಮಿಷಗಳ ಕಾಲ ಬೇಯಿಸಬಹುದು.
* ಬಳಿಕ ರಿಬ್ಬನ್ ಸೇವ್ ಅನ್ನು ತಣ್ಣಗಾಗಿಸಿ, ಮಕ್ಕಳಿಗೆ ಸವಿಯಲು ನೀಡಿ.
* ನೀವಿದನ್ನು ಗಾಳಿಯಾಡದ ಡಬ್ಬಿಯಲ್ಲಿ ಸಂಗ್ರಹಿಸಿಟ್ಟರೆ ವಾರಗಳ ವರೆಗೆ ಸವಿಯಬಹುದು.
Source: PUBLIC TV Kannada
