Yuvarathnaa Song: ಭಾರಿ ಬೇಸರದಲ್ಲಿ ಪುನೀತ್​ ರಾಜ್​ಕುಮಾರ್ ಫ್ಯಾನ್ಸ್; ಯುವರತ್ನ ಹಾಡು ಡಿಲೀಟ್ ಮಾಡುವಂತೆ ಅಭಿಮಾನಿಗಳ ಮೊರೆ

Feb 27, 2021

Puneet Rajkumar: ಬಹುನಿರೀಕ್ಷಿತ ಯುವರತ್ನ ಚಿತ್ರದ ಊರಿಗೊಬ್ಬ ರಾಜಾ ಆ ರಾಜಂಗೊಬ್ಬಳು ರಾಣಿ ಹಾಡು ಹೊಂಬಾಳೆ ಫಿಲ್ಮ್ಸ್​ನ ಯೂಟ್ಯೂಬ್ ಚಾನೆಲ್ ಬಿಡುಗಡೆ ಮಾಡಿತ್ತು. ಹಾಡಿನಲ್ಲಿ ಪುನೀತ್ ರಾಜ್​ಕುಮಾರ್​ ಜೊತೆಗೆ ಚಿತ್ರ ನಾಯಕಿ ಸಹೇಷಾ ಸೆಹಗಲ್ ಸ್ಟೆಪ್ ಹಾಕಿದ್ದಾರೆ.

ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್​ (Puneet Rajkumar) ನಟನೆಯ ಯುವರತ್ನ (Yuvarathnaa) ಸಿನಿಮಾದ ‘ಊರಿಗೊಬ್ಬ ರಾಜಾ ಆ ರಾಜಂಗೊಬ್ಬಳು ರಾಣಿ’ ಎನ್ನವ ಹಾಡು ಇದೇ ತಿಂಗಳ (ಫೆಬ್ರವರಿ) 25ಕ್ಕೆ ಬಿಡುಗಡೆಯಾಗಿತ್ತು. ಆದರೆ ಈ ಹಾಡಿಗೆ ಅಪ್ಪು ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ. ಪವರ್ ಸ್ಟಾರ್ ರೇಂಜಿಗೆ ಈ ಸಾಂಗ್ ಅಲ್ಲ ಎಂದು ಹೇಳುತ್ತಿರುವ ಪುನೀತ್ ಫ್ಯಾನ್ಸ್ ತಮನ್.ಎಸ್ ಸಂಗೀತ ಮತ್ತು ಸಂತೋಷ್ ಆನಂದ್ ರಾಮ್ ಸಾಹಿತ್ಯದಿಂದ ನಿರಾಸೆಗೊಂಡಿದ್ದಾರೆ.

ಬಹುನಿರೀಕ್ಷಿತ ಯುವರತ್ನ ಚಿತ್ರದ ಊರಿಗೊಬ್ಬ ರಾಜಾ ಆ ರಾಜಂಗೊಬ್ಬಳು ರಾಣಿ ಹಾಡು ಹೊಂಬಾಳೆ ಫಿಲ್ಮ್ಸ್​ನ ಯೂಟ್ಯೂಬ್ ಚಾನೆಲ್ ಬಿಡುಗಡೆ ಮಾಡಿತ್ತು. ಹಾಡಿನಲ್ಲಿ ಪುನೀತ್ ರಾಜ್​ಕುಮಾರ್​ ಜೊತೆಗೆ ಚಿತ್ರ ನಾಯಕಿ ಸಹೇಷಾ ಸೆಹಗಲ್ ಸ್ಟೆಪ್ಸ್​ ಹಾಕಿದ್ದಾರೆ. ಹಾಡಿನಲ್ಲಿ ಪುನೀತ್ ರಾಜ್​ಕುಮಾರ್​ ಡಾನ್ಸ್ ಬಿಟ್ಟರೆ ಮತ್ತೇನೂ ಸಮಂಜಸವಾಗಿಲ್ಲ ಎಂದು ಹೇಳುತ್ತಿರುವ ಸಿನಿಪ್ರಿಯರು ಹಾಡನ್ನು ಡಿಲೀಟ್ ಮಾಡುವಂತೆ ಮನವಿ ಮಾಡಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಬೇಸರ ವ್ಯಕ್ತಪಡಿಸಿರುವ ಅಪ್ಪು ಅಭಿಮಾನಿಗಳು ಈ ಊರಿಗೊಬ್ಬ ರಾಜಾ ಆ ರಾಜಂಗೊಬ್ಬಳು ರಾಣಿ ಹಾಡು ಪವರ್ ಸ್ಟಾರ್ ರೇಂಜಿಗೆ ಅಲ್ಲ ಎನ್ನುತ್ತಿದ್ದಾರೆ. ಹಾಡು ಬಿಡುಗಡೆಯಾದ ಕೆಲವೇ ಹೊತ್ತಿನಲ್ಲಿ ಹೆಚ್ಚು ವ್ಯೂಸ್​ ಪಡೆದುಕೊಂಡಿದ್ದರೂ ಈ ಹಾಡಿಗೆ ಅದೆಷ್ಟೋ ಅಭಿಮಾನಿಗಳು ವಿರೋಧ ವ್ಯಕ್ತಪಡಿಸಿ ಸಾಂಗನ್ನ ಡಿಲೀಟ್ ಮಾಡುವಂತೆ ಬೇಡಿಕೆಯಿಟ್ಟಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಬೇಸರ ವ್ಯಕ್ತಪಡಿಸಿದ ಪುನೀತ್ ರಾಜ್​ಕುಮಾರ್ ಅಭಿಮಾನಿಗಳು

ಹಾಡನ್ನು ಡಿಲೀಟ್​ ಮಾಡಿ ಎಂದು ಆಗ್ರಹಿಸುತ್ತಿರುವ ಅಪ್ಪು ಫ್ಯಾನ್ಸ್​

ಹಾಯ್​ ಪುನೀತ್​ ಸರ್​. ಏನಿದು ಮ್ಯೂಸಿಕ್​ ಸರ್​? ನಿಮ್ಮ ರೇಂಜಿಗೆ ಈ ಹಾಡು ಇಲ್ಲ. ಹಾಡು ಸ್ವಲ್ಪನೂ ಸರಿಯಿಲ್ಲ. ನಿಮ್ಮ ಮತ್ತು ಸಹೇಷಾ ಸೆಹಗಲ್ ಡ್ಯಾನ್ಸ್ ಬಿಟ್ಟರೆ ಮತ್ತೇನೂ ಇಷ್ಟವಾಗಲಿಲ್ಲ. ದಯವಿಟ್ಟು ಕನ್ನಡದ ಮ್ಯೂಸಿಕ್​ ಡೈರೆಕ್ಟರ್​ಗೆ ಚಾನ್ಸ್ ಕೊಡಿ. ಕನ್ನಡದ ಬಗ್ಗೆಗಂಧ ಗಾಳಿಯೂ ಗೊತ್ತಿಲ್ಲದವರಿಗೆ ಅವಕಾಶಗಳು ಕೊಟ್ಟರೆ ಹೀಗೆ ಆಗೋದು ಎಂದು ಕೆಲವರು ಹೇಳಿದರೆ, ಇನ್ನು ಕೆಲವರು ನಾನು ಪಕ್ಕಾ ಅಪ್ಪು ಫ್ಯಾನ್​. ಈ ಹಾಡನ್ನು ಒಂದು ಸಾರಿನು ಕೇಳುವುದಕ್ಕೆ ಆಗುತಿಲ್ಲ. ದಯವಿಟ್ಟು ಈ ರೀತಿ ಬೇಜಾರು ಮಾಡಬೇಡಿ ಎಂದು ಹೇಳಿದ್ದಾರೆ. ಜೊತೆಗೆ ಸಂತೋಷ್​ರವರು ಹಾಡು ಬರಿಯದೇ ಇದ್ದರೆ ಒಳ್ಳೆಯದು ಎಂದು ಪುನೀತ್​ ಅಭಿಮಾನಿಗಳು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

Source: TV9Kannada